Þriðji í jólum

Jólahátíðin gengin í garð, allt mjög hefðbundið og ljúft. Jólasnjórinn setur fallegan svip á bæinn og er mjög jólalegt um að litast.



Á aðfangadag fór Bjarni í bæinn með krakkana að útdeila pökkum og kasta kveðju á fólkið sitt. Við vorum síðan öll mætt til mömmu og pabba ásamt Siggu sys rétt fyrir klukkan sex. Mamma var með humarsúpu og hamborgarahrygg og í eftirrétt var möndlugrautur með hindberjasósu. Pakkaflóðið í stofunni var þvílíkt og var Sigurbergur í því hlutverki að lesa á pakkana ásamt afa sínum.

Við fórum til Reykjavíkur um tíu leytið og vorum með tengdafjölskyldunni fram yfir miðnætti.
Á jóladag var messa kl. tvö og jólaboð hér heima kl. þrjú. Mamma og pabbi voru með boðið þetta árið fyrir Heiðartúnsfjölskylduna og ákváðum við að hafa það hér í Lágmóanum. Við vorum 43 í boðinu þetta árið, það eru svo margir í útlöndum þessi jól. Jólaboðið tókst mjög vel við dönsuðum öll í kringum stóra jólatréð því það var svo mikið pláss í stofunni. Svo kom jólasveinn í heimsókn og gaf krökkunum nammi poka. Síðustu gestirnir fóru þegar klukkan var langt gengin í tíu.


Annar í jólum var hefðbundinn, það var farið í jólagöngu. Þetta árið var gengið frá Fitjum í Njarðvík að Bláa Lóninu og síðan fór allur hópurinn í Lónið. Við vorum 15 sem gengum þessi jól. Veðrið var frábært eins og alltaf á annan í jólum. Dagurinn endaði svo í jólaboði í Reykjavík og við komum heim seint í gær.


Í dag ætlum við að borða soðna ýsu og kartöflur sem verður góð tilbreyting frá öllu kjötátinu.
Strax erum við farin að telja niður dagana til Gamlárskvölds.

Ítölskunám og Maó

Það er nú meiri lúxusinn að vera námsmaður og húsmóðir. Búin að senda öll jólkort (80+), pakka inn jólagjöfunum, baka Sörur og tertur (með mömmu) og nú er bara beðið eftir jólunum.
Ég er að lesa Maó, Sagan sem aldrei var sögð og er að læra Ítölsku (5 orð á dag). Verður gaman að kunna smá þegar við förum til Madonna í vetur.

Dýr pakki til Ameríku

Fór á pósthúsið í gær með jólakortin og pakka handa fjölskyldunni í Ameríku.
Ég setti íslenskt nammi, bókina hans Oddgeirs Karls og íslenska brennivín í pakkann, eitthvað sem að veit að fellur í kramið.
Pakkinn vó um 4.kg. og kostaði 5.600 kr. að senda hann. Mér varð á orði að þetta væri nú ekki ódýrt. Þá sagði starfstúlkan þessa yndislegu setningu.... "Já þetta er rosalega dýrt það er miklu sniðugara að gefa fólki bara pening". Þetta var vel meint hjá henni og kæmi örugglega námsmönnum vel eða eitthvað svoleiðis. En málið var að ég var að senda amerískum milljónamæringum á feitum eftirlaunum smá glaðning frá Íslandi. Það hefði líklega ekki glatt þau ef ég hefði lagt 10.000 kr inná reikninginn þeirra. En þetta lítilræði sem ég setti í kassann gleður þau sem og myndir og handskrifað bréf með fréttum af fólkinu hér heima.

Körfuboltamót og langir dagar

Síðastliðna helgi var Sigurbergur að keppa í körfubolta í Grafarvogi. Það var mjög skemmtilegt mót. Kvöldvakan var fín, stjórnandinn er örugglega skáti, ég kannaðist allavega við leikina sem hann var með. Hann fékk krakkana með sér í allskonar hróp, köll og hvatningar.
Þegar við vorum búin að koma strákunum í sæng um kvöldið (í einni af skólastofum Rimaskóla) söng ég (að ósk sonarins ) eitt gamalt bull lag sem ég lærði í skátunum.

Textinn er í þessa átt:

Óli Skáti sat að áti,
sá gat heldur í sig látið
nammi namm nammi namm
stóra bita gleypti hann.

Af sælgæti át hann mest af öllu,
ís með hrís og pulsu með öllu.
nammi namm nammi namm
stóra bita gleypti hann.

Dag einn hjá Óla klikkaði maginn,
á kamrinum kúrðann allan daginn
slammi slamm, slammi slamm
stórum kúkum sleppti hann.

Strákunum fannst þetta svo rosalega fyndið.
Ég lofaði öðru bull lagi næsta dag ef þeir færu að sofa og það keyptu þeir.
Daginn eftir var alltaf verið að segja, mamma hans Sigurbergs, viltu syngja aftur fyndna lagið.

Ég man ekki eftir að mér hafi þótt þetta svona ofboðslega fyndið lag !


Við mamma mætum nú orðið í Massa lyftingasal þrisvar í viku á milli 6:30 og 8:00 á morgnana. Það er mjög hressandi og gaman að finna hvernig líkaminn styrkist allur, nú er bara að halda þetta út fram á vor : ),,, ég hef mín markmið !!!!

Við hjónin fórum saman út að hlaupa í síðustu viku, frekar skemmtilegt.
Ekkert matarboð var um helgina en næstu helgi er afmæli hjá Sigurþór frænda hans Bjarna. Hann verður 60.ára og við ætlum að heiðra hann á afmælisdaginn.

Langur dagur í skólanum á morgun og kóræfing um kvöldið, þetta er svona einn af þessum 16 klst. vinnudögum. Finnst best að koma heim ekki seinna en fjögur, hlusta á útvarp, lesa blöðin, setja í þvottavél, kíkja í bók, skipuleggja næsta dag, fara í búð og elda góðan mat. Stundum þegar ég er í stuði í miðri viku bíð ég upp á pönnukökur með sykri og sendi út skilaboð um kaffisamsæti í Móanum. Ég valdi það að eignast börn og eru þau og fjölskyldan það mikilvægasta í lífinu og meira að segja pönnukökur hafa góð áhrif á fjölskylduna.
Ef ég hefði valið að eiga ekki börn þá væri eitthvað annað mikilvægt í lífinu og ég myndi ekki hafa löngun til að gleðja neinn með pönnukökum,,,eða hvað?



Jæja nóg í bili, ætla að horfa á Eragon með Sigurbergi.

Styttist í Danmörk og próf

Síðasta vika var þokkaleg, fannst ég reyndar alveg lost í skólanum en segi ekkert um það meir á þessum vettvangi.
Matarboðið hjá Klúbb 69 sl. föstudag heppnaðist flott og var djammað langt fram á nótt.
Messað var á sunnudaginn og svo notaði ég helgina mest í að endurlesa námsefnið.
Var að senda inn auglýsingu til VF um tónleika sem verða í kirkjunni 15.nóv, en þá ætlar Magnús Þór Sigmundsson að halda tónleika í boði Stofnsjóðs séra Páls Þórðarsonar og Sóknarnefndar kirkjunnar.
Næsta sunnudag kemur Lúðrasveit frá Noregi í heimsókn í sunnudagaskólann og er ég búin að setja tilkynningu um það á vef kirkjunnar.
Bjarni er komin með nýjan Jeppa og gamli komin á sölu, ég mun sakna hans hversu fáránlegt sem það er. En hinn er reyndar miklu flottari.
Við Sigurbergur erum búin að kaupa miða á leikinn í Köpen og panta hótel.
Svo er bara prófalestur framundan og ég fíla það í botn.

Tónleikar og landsleikur

Gunnhildur Halla Baldursdóttir organistinn í kirkjunni okkar hélt tónleika sl. föstudag. Hún spilaði 3.verk á orgelið og síðan söng hún við undirleik Julians eiginmanns síns. Hún er frábær söngkona og var æðislegt að heyra hana syngja. Kirkjukórinn söng tvö lög og gekk það vel.
Svo var landsleikur í gær Ísland-Lettland, við fórum sex saman á völlinn. Svekkjandi að Ísland skyldi ekki ná að gera betur, þeir voru mjög góðir í seinni hálfleik en vantaði herslumuninn.
Annars voru örfáir íslenskir áhorfendur dónalegir við Lettneska áhorfendur og var leiðinlegt að horfa upp á það. Lettarnir voru með stóran fána sem að skyggði stundum á og fór það í taugarnar á sumum (enda þá var staðan orðin 1-4). Starfsmenn vallarins voru viðbúnir öllu í leikslok ásamt lögreglunni og var allt stoppað í fæðingu.
Annars er helgin búin að vera mjög fín, afmælisboð á föstudaginn, matarboð í gær, vinkonubrunch í dag og afmæli á Rekagrandanum eftir hádegi. Við mæðginin kíktum í Kolaportið og keyptum okkur bækur og röltum um. Hittum engan sem við þekktum, sem er frekar óvanalegt. Systurnar voru að vinna í Bláa Lóninu þessa helgi og misstu því af öllum veisluhöldunum sem og húsbóndinn sem er í sinni vinnu.

Of vel gefin til að fá mér hund!!!

Stelpurnar komu með skilaboð til mín frá tengdapabba að ég væri of vel gefin til að fá mér hund, honum líkar ekki við hunda.

Ég veit ekki hvað margir eru búnir að koma með rök gegn því að ég ætti að kaupa hundinn. Stór hundur, stór kúkur voru ein rökin. Hvar á hann að vera þegar þið eruð ekki heima? Hver á að fara með hundinn út? Kostar mikla peninga! Tími til að fara á námskeið með hundinn! Allir á heimilinu verða búnir að missa áhugann eftir 2.vikur! Lendir allt á þér! Stéttinn verður slímug og grasið verður ...! o.s.frv.

En ástæðan fyrir því að ég ætla ekki að kaupa hundinn er að húsbóndinn vill ekki hund. Ekki er grundvöllur fyrir því að koma með hund á heimilið sem verður svo stór og fyrirferðarmikill í óþökk annarra sem búa á heimilinu.
Við Sigurbergur leysum málið þannig að við fáum Glóa labradorhund sem er í fjölskyldunni og förum með hann út að ganga og pössum hann þegar þau fara í frí. Það verður að duga í bili.

Ég held að mig langi ekki nógu mikið í hund til að vera að rökstyðja það að eiga hundinn við allt þetta fólk sem stendur mér næst og er mjööööög svo neikvætt.
Áhrifagjörn...já.

Viðtal við Sigur Rós í útvarpi : - )

Ég er búin að horfa á þetta viðtal og langt síðan ég hef hlegið eins mikið. http://www.npr.org/blogs/bryantpark/2007/10/when_good_interviews_go_bad.html
Ég hef haft fylgst með hljómsveitinni frá því að ég var að vinna með Jónsa á Reykjalundi. Þá voru þeir að byrja að spila saman drengirnir (1993 eða 1994). Jónsi var reyndar alltaf að mála eða teikna. Ég hugsaði að gaman væri að eiga mynd eftir hann, hann yrði örugglega einhverntímann frægur listmálari.

Ég held að þeir hafi nú bara svarað eins vel og þeir gátu miðað við spurningarnar sem þeir fengu. Þetta finnst mér fyndið.

Mæðgur búnar að kaupa slátur

Við mæðgur keyptum 9 slátur í dag. Við keyptum Lúxus kassa með saumuðum vömbum. Við erum alsælar með að sjá fram á að ljúka við sláturgerðina á morgun. Um helgina verður sannkölluð sviða og slátur veisla, díllinn með slátrið er að mamma eldar alltaf heima hjá sér og við mætum í slátur. Fínasta fyrirkomulag, það bragðast eitthvað öðruvísi hjá mömmu en hjá okkur, þó við séum með sama slátrið.
Var næstum búin að kaupa miða á Megas tónleikana sem verða á laugardaginn, hætti við því að ég er að fara í próf á þriðjudaginn. Þarf aðeins að lesa yfir efnið einu sinni enn.
Verð með opið hús á laugardaginn kl.13-15 fyrir Friendtex.

Að vera tvíburi og þurfa að deila ýmsu

Á maður að vorkenna þeim fyrir að vera tvíburar? Þær fengu bílinn sinn í dag. Önnur keyrði heim úr bænum og svo tók hin bílinn og fór á rúntinn með sínum vinkonum og skyldi systir sína eftir heima frá hádegi að kvöldmat. Af hverju geta þær ekki farið saman á rúntinn fyrsta daginn með nýja bílinn sinn.
Þetta verður skrautlegt en ég ætla að passa mig á að vera ekki að skipta mér af þeim. Ég verð bara að láta þær um þetta.
En bíllin er svakalega flottur.
Ég er svo að spá hvað þær hafa þurft að deila með sér í gegnum árin... þær hafa aldrei átt neitt saman nema köttinn. Þær fengu alltaf sitthvort hjólið, rúmið, herbergið, sjónvörp o.s.frv.aldrei neina sameiginlega gjöf.
Það reynir því á núna að þurfa að deila með sér heilum bíl. Vinkonur mínar sem eru tvíburar áttu saman bíl á unglingsárunum og það var ekkert vandamál.

Látum á þetta reyna.. ; - )

Bryndís vann til verðlauna

Myndir af vf.is eftir bikarleikinn og systur að faðmast : = )

Bryndís kom heim með 4 bikara og eina viðurkenningu eftir lokahóf Keflavíkur. Hún var valin besti félaginn og fékk líka fyrir mestu framfarirnar eða efnilegust í 2.flokki. Við erum ekki viss því að það stendur sitthvað á bikurunum.
Þeim systrum fannst voða fyndið að trommusveitin skyldi nefna pabba þeirra í þakkarræðu á lokahófinu þar sem honum var þakkað fyrir að eiga svona myndarlegar stelpur - eða eitthvað í þá áttina.
Brynja er loksins farin að geta æft af einhverju viti eftir krossbandaslit haustið 2005. Vonandi geta þær spilað saman í Meistaraflokknum næsta sumar.

Menningarhelgi : - ) og nýr bíll handa Tvíbbunum.

Helgin byrjaði á tónleikaferð með mömmu, pabba og Siggu systir. Fórum á afmælistónleika í íþróttahúsinu í Keflavík. Þar var Sinfóníuhljómsveit Íslands að spila, ásamt eldri lúðrasveit tónlistarskólans, Karlakór Keflaíkur söng og einnig Davíð Ólafsson sem var stórkostlegur.
Ég þekkti fullt af andlitum í Sinfóníuhljómsveitinni síðan ég var á námskeiðum með Sinfóníuhljómsveit Æskunnar fyrir 20 árum (vá hvað er langt síðan). Gaman að sjá hvað margir úr þeim hópi eru orðnir atvinnuspilarar.

Saumaklúbburin skellti sér á Þingvelli í gær í sumarbústaðaferð og áttum góðar stundir, borða, ganga, lesa, prjóna, spila, lita, baða, borða, drekka... mjög flott ferð hjá okkur. 100% mæting. Ég fór snemma heim til að syngja með kirkjukórnum í fjölskyldumessu og skírn. Síðan fór ég út að hjóla, tók til á heimilinu(meira að segja inni hjá systrunum) og las nokkrar greinar. Helgina endaði ég svo í Grafarvogskirkju á tónleikum með Gilles Apap fiðluleikara. Þetta voru magnaðir tónleikar til styrktar UNIFEM. Gilles fór á kostum með fiðluna sem og Hjörleifur Valsson ásamt Íslensku kammersveitinni og Bardukha.

Bjarni og börnin eru búin að vera fyrir austan hjá tengdapabba alla helgina og koma heim í fyrramálið. Þá tekur við landsleikjatörn í vikunni og leikur við Lettland á laugardaginn.
Það er alltaf nóg að gera á þessum bæ, ekki hægt að segja annað.
Stelpurnar fá svo bílinn sinn á morgun, stór dagur hjá þeim. Þær völdu sér rauða Hondu Jazz.

Bikarleikur og afmælishátíð Soroptimista

Á laugardaginn var úrslitaleikurinn í bikarnum þar sem að KR sigraði Keflavík. Stelpurnar okkar stóðu sig samt vel og var bara gaman að vera á vellinum.

Afmælishátíð Soroptimistaklúbba Mosfellssveitar og Seltjarnarness var haldin á Hótel Sögu 22. sept. Hátíðin heppnaðist mjög vel, frábær skemmtiatriði, veislustjórn, matur og félagsskapur. Við hjónin fórum svo niður í bæ um nóttina og hittum dóttur okkar sem var að fagna bikarleiknum með vinkonum sínum.

Tvíburarnir orðnar 17.ára

Loksins eru dæturnar að fá bílpróf og ég þarf ekki að vera einkadriver lengur. Þvílíkt frelsi : - )

Ég sem kveið fyrir því að deila með þeim bílnum. Það var nú alger óþarfi því að ég á þetta fína hjól sem ég ætla að nota meira. Fer að sjálfsögðu ekki hjólandi í skólann en reyni að hjóla innanbæjar eins og ég hef tíma til. Þarf reyndar að fjárfesta í hjálmi.

Var að koma af kynningarfundi í Njarðvíkurskóla og alltaf þarf ég að láta það fara í taugarnar á mér að krakkarnir mega ekki leika sér á hjólum, brettum eða hjóla-línuskautum á skólalóðinni. Þau mega koma á þessu í skólann og fara á þessu heim. Það líður ekki á löngu þar sem það verður líka bannað af því að það er svo hættulegt. Við megum ekki verða eins og Ameríkanar þar sem að reynt er að forðast allt sem getur verið hættulegt með reglum. Það fara ekki öll börn í fótbolta eða eltingaleik. Ég held það ætti frekar að leyfa þeim að vera á öllum þessum græjum, kannski þá fari strákunum að líða betur í skólunum. Við erum reyndar að tala um skóla með 400 nemendur og það er örugglega ekkert grín ef að 100 nemendur eru á hættulegum brettum og öðru rúlludóti. Svo kannski ætti ég ekki að láta þessa tilteknu reglu fara í taugarnar á mér.

Ég er fegin að ráða því hvernig nesti drengurinn fer með í skólann. Ég reyni að hafa nestið sem fjölbreyttast, grænmeti eða ávexti eða brauð m. kæfu eða smurosti, stundum engjaþykkni (ég veit það er sykur í því og hvað með það) og stundum fer hann með skyrdrykk. Í skólanum fær hann svo að velja um mjólk eða vatn. Ég held að á meðan við sendum börnin ekki með boxin full af mat sem tekur óratíma að borða eða með sætabrauð og doritos þá fáum við að vera í friði með að velja það sem við sendum börnin með.

Vann ársmiða á Landsbankadeildina 2008

Í gær fór ég á leik Keflavíkur og Víkings. Í hálfleik var dregin út vinningur á happdrættismiða sem fylgdi aðgangsmiðanum...og ég vann : ).

Nú fæ ég frítt á alla leiki næsta sumar og get boðið einum gesti með mér. Þetta kemur sér vel, ég fer nefnilega á töluvert af leikjum í deildinni og það kostar 1200 kr. á hvern leik.

Við unnum : )

Loksins sigur, Ísland 2 - Írland 1. Fín stemming á vellinum og slagverkssveitin var frábær.

Næsti leikur 13 okt kl.16:00.

Dagurinn í dag

Í stuttu máli:

• Keyrði Brynju í vinnuna (Bláa Lónið) very early
  
• Söng eina messu í Ytri Njarðvíkurkirkju
• Heyrði í mömmu
• Sótti Sigurbergs til Hleiðars
• Eldaði
  
• Bjarni kom í 7 klst leyfi og Charlotta kom í heimsókn
  
• Fór á rúntinn með Charlottu
  
• Borðuðum öll saman
  
• Baldur og Harpa komu með skvísurnar
• Allir fóru - ég horfði á sjónvarpið og S.B fór í bað
• Baldur kom og setti upp ljós í eldhúsinu (besti bróðir í heimi )
  
• Norsku pæjurnar komu úr bænum- ég fékk blóm : )
• Brynja kom úr vinnu
• Bryndís fór í vink.partý og S.B að s0fa
• Las fullt af bloggum : ) og er að fara að sofa... fínn dagur en frekar letilegur ... reyndar las ég eina bók og nokkrar greinar sem að nýtast mér í náminu.
  

Ísland - Spánn 1-1

Vá hvað við skemmtum okkur vel á leiknum í gær : )
Liðið var mjög vel skipulagt og hver og einn virtist leggja sig 110% fram inná vellinum. Áhorfendur voru frábærir allavega í G-hólfinu og að sjálfsögðu stuðningsmannnasveitin sem stoppaði ekki allan tímann. Þetta var allt annað en í síðasta leik þar sem að trommusveitin stóð sig með prýði en bjánahrollur fór um mann þegar þeir fóru að bauna á áhorfendur sem að hreyfðu sig ekki.
Ég persónulega get ekki setið og klappað og hvatt allan tímann. Ég er smá einhverf og verð að einbeita mér þvílíkt að leiknum svo ég missi ekki af neinu. En ég tek samt oft undir og kann orðið öll lögin og klöppin : )
Langt síðan fólk hefur tekið undir í þjóðsöngnum eins og í gær, kannski var bara málið hvar ég sat í stúkunni, einhver önnur stemming þarna en þar sem ég hef verið áður. En það fengu allir boli með þjóðsöngnum áprentuðum aftan á og því gátu allir sungið með.
Vonandi fær Eyjólfur að halda áfram að byggja upp frábært landslið og Bjarni og Birkir að aðstoða hann við það.

Annars eru það sorgarfréttir að Ásgeir El lést í morgun. Það er svo stutt síðan hann stóð hérna inní stofu og var að spjalla við Bjarna um fótbolta. Ég finn svo til með Soffíu og strákunum sem eiga um sárt að binda, sem og öllum sem að þekktu þennan frábæra mann. Blessuð sé minning hans.

Hjólinu hans Sigurbergs var stolið í dag

Hjólinu hans Sigurbergs var stolið hér fyrir utan húsið í dag. Hjólið er grænt á lit (Mongoose) og líkist þessu hjóli. Við erum búin að leyta á öllum opnum svæðum í Reykjanesbæ. Vorum bjartsýn á að finna hjólið út í móa.

Ég lét lögregluna vita, veit ekki af hverju, fannst það eitthvað svo gáfulegt. En hvað áttu þeir að gera, sögðu mér að koma eftir helgi ef það skyldi finnast á víðavangi.

Ég varð svo pirruð yfir þessu ástandi að ég fékk hausverk og er enn með hann mörgum klukkutímum síðar. Þetta er eitthvað svo ömurlegt drengurinn fór á hjólinu í skólann kom heim á því kl. hálf tvö en uppgötvaði að það væri farið þegar við ætluðum að hjóla á fótboltaleikinn út í Keflavík. Stelpurnar voru að spila við Fjölni og við ætluðum að horfa á það.
Ég ætla að vona að það sé allavega ekki búið að henda því í sjóinn eða að skemma hjólið.

mynd tekin af cap.is

Að vera nemi í Siðfræði : )

Jæja fyrsta vikan er liðin. Ég er nemi aftur eftir 10.ár. Fögin sem ég er skráð í eru

• Hagnýtt siðfræði
• Inngangur að heimspeki
• Heimspeki kvikmyndanna
• Málstofa
• Samtals 15.einingar. Ég rata lítið um háskólasvæðið og er sem betur aðeins í aðalbyggingunni og þarf ekkert að fara neitt.
• Ég tók að mér að vera skiptinema til halds og trausts og hitti hana í gær og aftur í dag. Hún er að læra íslensku og verður fram að jólum. Á mann og börn heima í Danmörku og er að láta gamlan draum rætast um að vera á Íslandi og læra íslensku.
• Norsku listakonurnar eru ennþá hér hjá okkur en fara á mánudaginn.
• Landsleikurinn er á morgun kl. 20:00 og Sigurbergur ætlar með frændum sínum á leikinn og hann hlakkar mikið til.
• Ég er ógeðslega þreytt og lúin eftir þessa fyrstu viku sem heimspekinemi, finnst ég þurfa að hugsa svo mikið og lesa meira. En þetta er mjög áhugavert og spennandi og hef ég ekki fengið bakþanka eftir að ég tók þessa ákvörðun.

Ljósanótt liðin...skólinn byrjar á morgun

Smá yfirlit yfir helgina sem tókst mjög vel.

• Fimmtudagskvöld- fór með Bryndísi og Sigurbergi í Smáralind

• Föstudagur - fór á fund í HÍ með öðrum Meistaranemum og starfsfólki deildarinnar. Við Sigurbergur hjóluðum út í Keflavík og sáum kvölddagskránna á Duus túninu. Fengum heita kjötsúpu og hittum fullt af fólki.

• Laugardagur- súpan gerð klár, hjólaði aftur með Sigurbergi og Rafni vini hans niður í bæ. Þeir sáu Kalla á Þakinu og fóru í tívolí tæki. Súpugestir byrjuðu að streyma inn uppúr kl. 18:00 og skrifuðu 37 sig í gestabókina. Flestir fóru á kvölddagskránna og sáu svo flugeldasýninguna. Nokkrir litu svo við áður en lagt var í hann á brautina til Reykjavíkur.

• Sunnudagur - skoðaði listsýningar, keypti Færeyska prjónapeysu og fór í kaffi til Baldurs og Hörpu með mömmu. Við Sigurbergur sáum Astrópíu í Bíó Keflav.

• Mánudagur - Fórum í Reykjavík í viðtal til Ásg. bíð núna eftir að byrja í skólanum.

kv Inga

Dagurinn í gær

Kom Sigurbergi af stað í skólann, las öll blöðin, skokkaði hringinn góða, fór í Bónus, heimsótti afa gamla, pantaði tíma í klippingu, sló blettinn hjá mömmu og pabba, tók á móti Norðmönnum sem verða hér í eina viku. Hanna kíkti við með skiptinemann sinn, dreng frá Ítalíu.

Afmæli Dóra

Matarklúbburinn skemmti sér mjög vel.

Vorum í glæsilegri veislu hjá vini okkar Dóra Páls í gær.

Friendtex listinn er að koma í hús.

Var á fundi í morgun vegna nýja Friendtex listans. Hann er mjög flottur í ár, stílhrein föt og klassísk. Hlakka mikið til að selja. Verð með opið hús á laugardögum í vetur og kynningar þess á milli.

Fyrir og eftir myndir

Breytingar á Lágmóa 2

Gervigrasvöllur, nýja stéttin og Norðfjörður.

Hlaupaleiðin mynduð

Hlaupið kringum Þorbjörn

Hljóp í morgun og myndaði hlaupaleiðina, þessi leið hefur alveg ótrúlegt aðdráttarafl. Ég miða alltaf við að vera skemur en 40.mín. Hún er ekki það löng og svo þarf að ganga í skriðunum.

Bjarni féll fyrir þessum hring þegar við fluttum hingað fyrir tveimur árum. Mér fannst algjör óþarfi að vera að keyra langa leið til að fara út að hlaupa en ég skil hann vel núna. Svo er toppurinn að fara í Bláa lónið í gufurnar og slaka á í volgu vatninu innan um alla ferðamennina.

Dagurinn í dag

Byrjaði daginn á að koma Sigurbergi í skólann. Hljóp hringinn í kring um fjallið Þorbjörn. Las öll dagblöðin. Setti í þrjár vélar, tók til í bílskúrnum, nú kemst fellihýsið fyrir. Baldur og Sólveig María komu í heimsókn og fengum við okkur snarl í hádeginu. Sló blettinn, bjó til fiskibollur úr 5 kg af þorski frá pabba. Var með gamla uppskrift en átti ekki kartöflumjöl, svo að ég bjó bara til nýja uppskrift og heppnaðist hún vel...

Hakkaði fiskinn og 2 lauka, 2- 3 bollar hveiti, salt, brauðrasp, sítrónupipar og smá mjólk. Steikt á pönnu uppúr smjöri og smjörlíki. Setti svo í eldfast mót inn í ofninn í 20 mín. Bjó til brúna sósu og sauð kartöflur.

Brynja borðaðið kvöldmat með okkur Sigurbergi en Bryndís var að keppa í knattspyrnu.
Við mamma kíktum svo í kvöldkaffi til frænku og þar með var dagurinn búinn.

Sigurbergur og Einar skemmtu sér á leiknum

Myndin er tekin á leik Ísland - Canada sem lauk 1-1. Ágætis skemmtun. Það besta var að hafa boðið Einari með á leikinn. Hann skemmti sér vel með frænda sínum, þeir voru vel merktir og fóru meira að segja yfir til stuðgrúppunnar sem var vinstra megin í stúkunni.

Í hálfleik fór ég með þá frændur upp í veitingarnar, ég var semsagt með boðsmiða. Nema hvað þegar við komum inn þá segi ég strákunum að fá sér það sem þá langar í. Vísa þeim á gosið og svo hvar muffins og kleinurnar eru. Einar ljómaði allur í framan og spurði hvort þetta væri frítt. Hann var aldeilis hissa drengurinn. Þetta var toppurinn á kvöldinu, það sagði hann mér þegar leiknum lauk og við vorum að fara heim. Honum fannst við svo ótrúlega heppinn að fá frítt gos og muffins.

Krakkarnir byrjuð í skólanum

Í morgun mættu krakkarnir í skólann, Sigurbergur í 3.bekk Njarðvíkurskóla og systurnar í FS.
Ég bíð eftir að ágústmánuður líði ég þarf ekki að mæta fyrr en 4.september.
Leikur hjá landsliðinu í kvöld gegn Canada. Fer með Sigurberg á leikinn.

Þarf að hlaupa einn hring í kvöld, fór ekkert í gær.

Bláber á Þingvöllum

Við mamma fórum með Sigurberg og Sindra Snæ í berjamó. Ég hef aldrei á ævi minni séð eins mikið af berjum og lent í öðru eins. Við týndum nokkur á kíló af bláberjum á tveimur klukkutímum. Strákunum fannst þetta meira að segja mjög gaman.

Ég er búin að sulta og frysta nokkra poka til að eiga í vetur. Mig langar að fara aftur og týna meira, þetta var svo gaman.
Læt fylgja nokkar myndir með.

Ljósanótt nálgast : )

Súpa fyrir vini og vandamenn á Ljósanótt, við mamma erum svoddan menningar-ljósanæturkonur og langar að bjóða uppá súpu. Fiski-humarsúpa með litlu grænmeti eins og Siggi bað vinsamlega um : )

Ég hef eitthvað klikkað á síðustu súpusoðningum og skellt of miklu af grænmeti í og fólk fann ekki neinn fisk. Það gengur að sjálfsögðu ekki.
Mánudaginn eftir Ljósanótt tekur svo alvaran við og skólinn byrjar. Mikið verður það sérstakt að setjast aftur á skólabekk eftir 10.ár á vinnumarkaðnum.

Afmælisveislur í sumar

17.júli var okkur boðið í afmæli til Halldórs Gísla frænda Bjarna það var skemmtileg kvöldstund í yndislegu veðri og góðum félagsskap. Þetta var þriðja stórafmælið sem við förum í þetta sumar. Hin tvö eru fertugsafmæli Jóns Ellerts Tryggvasonar sem haldið var í Elliðaárdalnum með stæl og fimmtugsafmæli Bjarna Valtýssonar sem var haldið í Rangársveit, alveg meiriháttar skemmtileg veisla.

Menningarnótt

• Sjóstöng á Reykjanesinu á Bárunni í sól og blíðu sáum hval, súlur og skarfa. Pabbi fór með tvö holl, fyrst Baldur og Ögmund og þeirra börn. Síðan mig, mömmu, Hleiðar, Sindra Snæ og Sigurberg.

Ég, mamma, Bryndís, Sigurbergur og Sindri Snær fórum saman á
Menningarnótt. Byrjuðum á Listasafni Einars Jónssonar, Skólavörðustígurinn með samlokum og svala, Arnarhóll og tískusýning, Ingólfstorg og danskennsla frá Skotlandi, Ráðhúsið með færeyskum dönsum, til baka á Miklatún og svo flugeldasýning þar sem við fórum á bílnum niður í Borgartún og röltum niður að strönd.

Frábær dagur og strákarnir svo skemmtilegir, þó maður sé bara 8.ára þá fer maður úr íþróttajakkanum á Miklatúni og í gráa hettupeysu eins og stóru strákarnir. Ótrúlega fyndið, kom mömmu sinni gjörsamlega á óvart. haha

Manchester 10-13.ágúst

• Fjölskyldan að fara í sumarfrí saman, síðast fórum við 1996 þegar Bjarni var í fríi frá boltanum. Hef alltaf farið ein með börnin og ásamt vinum og vandamönnum.
  
  
  10.ágúst
  
  
  Flogið til Manchester 17:30, komin á hótelið frekar seint, gengum einn hring niður í miðbæ og fengum okkur svo snarl á hótelinu.
  
  
  11.ágúst
  Vöknuðum í morgunmat og fórum með stelpunum í verslunarleiðangur. Sigurbergur fékk flotta skó með litlum hjólum undir og vakti mikla athygli þar sem hann renndi sér um á þessum fínu skóm.
  
  
  

Skildum stelpurnar eftir í búðunum og fórum í parísarútsýnishjól, varð smá lofthrædd og fannst þetta ekkert sérlega spennandi. Gaman að sjá yfir borgina en einn hringur hefði dugað mér, þeir urðu fimm.

Fór með Sigurberg á vísindasafnið til að brjóta upp daginn fyrir hann, hefði ekki enst lengi á kaffihúsum að skoða mannlífið. Við tvö skemmtum okkur mjög vel og hefðum getað verið lengur.
Hittum stelpurnar rétt áður en búðum lokaði fórum upp á hótel og ákváðum að borða á Tælenskum veitingastað um kvöldið.

12.águst (Game Day) (Fæðingardagur Sibbu-hefði orðið 70.ára)
Manchester - Reading kl. 16:00
Fórum seint á fætur, fengum okkur morgunmat seint og fórum svo á Old Trafford. Byrjuðum að fara í búðina og keyptum okkur boli og eitthvað drasl. Síðan vöfruðum við um svæðið og hittum frábæran karl (breta) sem er mikill aðdáandi rauðu djöflanna, búinn að vera fastagestur á leikjum í fimmtíu ár. Var með sérsmíðað úr sem minnti á United og svo toppaði allt þegar hann sagði mér stoltur frá því að hann bauð konunni sinni út að borða og í yfirlitsferð um Old Trafford í tilefni 70.ára afmælis hennar. Konan hafði aldrei á ævi sinni farið á fótboltaleik fyrr en þann dag. Þetta var yndislegur karl og hefur örugglega átt góðan dag á afmælisdegi konunnar. haha.
Leikurinn var ekkert sérstakur, en það var frábært að koma á völlinn innan um 76.500 manns. Ég fílaði mig alveg í botn og fannst þetta mjög gaman.



Erfiðlega gekk að fá leigubíl heim og fjölskyldumeðlimir urðu voða tens yfir því ástandi. En það hafðist að lokum og við komumst á hótelið fyrir rest.

13.ágúst (Ögmundur afmæli-37.ára)

Fjölskyldan svaf út (nema ég) Brynja fór að skipta buxum sem voru of stórar og kom svo klukkutíma síðar. Ég, Bryndís og Sigurbergur gengum einn hring í Kínahverfið áður en við fórum á Old Trafford til að fara í leiðsögn um leikvanginn.
Leiðsögnin um svæðið var frábær, gaman að sjá alla staði þar sem þessir kappar eru að athafna sig. Hélt að mér myndi ekki fynnast þetta neitt áhugavert, en raunin varð önnur. Mér fannst þetta bara rosalega gaman og á örugglega eftir að fylgjast meira með liðinu eftir þessa ferð.

Við fórum svo í verslunarmiðstöð, stelpurnar þurftu að brenna aðeins meira af peningum. Við hjónin ráfuðum bara um með Sigurberg og létum okkur leiðast.
Fórum á hótelið til að sækja töskurnar okkar, Bryndís afrekaði það að týna miðunum af töskunum en ég með minni alkunnu ljúfmennsku fékk þær afhentar.

Sigga sys sótti okkur á flugvöllinn og við vorum komin í rúmin okkar fyrir kl. eitt um nóttina.

Ferðasaga-part 2 Marvin og Diana

4.ágúst

Eftir frábæra stund í bústaðnum fórum við heim rétt eftir miðnætti. Allir mjög glaðir eftir daginn, Sigurbergur varð eftir hjá mömmu og pabba og var mjöög sáttur við það.

5.ágúst

Eina planið þennan dag var Bláa Lónið og kvöldmatur með fyrrum samstarfsmanni Marvins frá Delmonte og konunni hans Wes og Jill Smith. Yndælishjón sem búa í Californiu og eru komin á eftirlaun og nota tímann til að ferðast um heiminn. Við borðuðum á Hereford steikhús og áttum góða stund með þeim.

6.ágúst

Jökulsárlón, óvissuferð, ætluðum að gista en vorum ekki búin að gera neinar ráðstafanir. Stoppuðum við Seljalandsfoss og Hannah unglingurinn hélt ekki vatni yfir fegurð landsins. Þegar við komum að Kirkjubæjarklaustri þá voru öll hótelherbergi í nágrenninu upptekinn. Ég hringdi því í sumarhúsaleigu í Hörgslandi og þar fengum við sumarbústað með uppábúnum rúmum fyrir tæplega 15.þús krónur. Þau voru ánægð með þetta og ég líka, veðrið var yndislegt, aðstaðan frábær og landslagið fallegt.

Við komum að lóninu kl. 17:30 náðum næstsíðasta bátnum. Myndirnar úr siglingunni eru alveg magnaðar. Við sáum sel leika sér í lóninu og fengum okkur kakó með rommi og nutum þess að vera saman.

Sigurbergur Bjarnason er þægilegasta barn sem til er, hann var alsæll með dótið sitt, naut þess að vera með okkur og var ánægður ef einhver nenti að kasta til hans baseball bolta í smástund. Þess á milli var hann bara að dunda sér, lesa, horfa á mynd og spjalla.

7.ágúst

Við tímdum ekki að fara heim úr góða veðrinu í rigninguna í Reykjavík. Ég fór því út að hlaupa um morguninn og þau voru bara í rólegheitum að drekka kaffi á pallinum og njóta stundarinnar.
Við lögðum ekki af stað fyrr en eftir hádegi. Stoppuðum á heimleiðinni við Skógarfoss og svo í Reynisfjöru sem ég hafði aldrei komið áður og var þar fallegasta stuðlaberg sem ég hef séð. Við stoppuðum þar í dágóða stund og hefðum getað verið þar mikið lengur.
Þegar heim kom beið Bjarni með mat handa okkur, fisk og hvítvín og þar með var dagurinn fullkominn.

8.ágúst

Lánaði hjónunum bílinn svo þau gætu farið í verslunarleiðangur í Reykjavík. Fór með mömmu í geislana, heimsótti tengdapabba og svo eldaði ég fiskisúpu um kvöldið, mamma, pabbi og Sigga komu í mat. Þetta var síðasta kvöldið í þessari Íslandsheimsókn.

9.ágúst

Hannah fór í Bláa Lónið, tókum einn hring á Reykjanesið, skoðuðum Stóru Sandvík, brúnna milli heimsálfanna og fengum okkur kaffi í Lóninu.
Skutlaði þeim uppá völl og stóð á öndinni þegar ég var að kveðja þau. Gat ekkert sagt, hvorki takk eða bæ. Ég vona að ég fari til þeirra eftir tvö ár eða sumarið 2009. Það er allavega áætlað.

Tíminn með Marv , Dee og Hannah

• Tíminn leið svo hratt á meðan fósturfjölskyldan var hér á landinu. Við byrjuðum fyrsta daginn á Reykjavík, spókuðum okkur um þar í frábæru veðri og enduðum á að borða á Tveimur fiskum um kvöldið.
  

Ég held að ég hafi sjaldan verið í bíl með manni sem talar jafn mikið og fósturfaðir minn Marvin. Hann stoppaði ekki allan tímann sem að við keyrðum um landið, sat fram í hjá mér og talaði út í eytt. Hann toppaði allar sögur sem voru sagðar,var alltaf með athugasemdir og pælingar en alls ekki á neikvæðan máta. Þetta var bara skemmtilegt en mjög óvanalegt fyrir mig þar sem við hjónin tölum ekki mikið þegar við keyrum um landið. Ég yfirleitt sofandi eða að lesa bók, ekki mjög skemmtilegur ferðafélagi.

3.ágúst

Fórum við hjónin og Sigurbergur með þau vestur á Snæfellsnes, byrjuðum á Stykkishólmi. Keyptum minjagripi, gengum upp höfðann og skoðuðum handverk. Slepptum bátasiglingu vegna veðurs. Næsta stopp var svo hjá Hildibrandi og co í Bjarnarhöfn. Þar er komið frábært safn og við smökkuðum hákarl og keyptum. Við vorum ekkert að flýta okkur þar og eyddum góðum tíma og tókum fullt af myndum.

Næsta stopp var Ingjaldshólskirkja þar sem langömmur og -afar mínir í báðar ættir hvíla. Ameríkönunum fannst það vera mjög sérstakt að sjá þennan gamla kirkjugarð með öllum forfeðrum mínum og ég gat sagt sögu þessa fólks. Mjög áhugavert.

Þarnæst var brunað vestur fyrir jökul og stoppað í Djúpalónssandi og þvílík umbreyting. Við vorum búin að vera í hávaðaroki norðan við jökul en núna skall á logn og sólin gægðist úr skýjunum. Ég hef oft komið niður á Djúpalónssand en aldrei séð eins stórar öldur þar og voru þennan dag. Þetta var alveg magnað og hafði mikil áhrif á gesti mína og vorum við þar dágóða stund, fengum okkur á harðfisk, hákarl og bjór.

Það er ekki hægt að fara hringinn án þess að renna niður á Arnarstapa og skoða bryggjuna og grjóthleðsluna af Snæfells Bárði. Þar tókum við myndir og hlógum af pari sem varð fyrir kríuárás og átti fótum sínum fjör að launa. Fyndið vegna þess að ég hef lent í þessu sama með Sigurberg 3.ja ára og ég hljóp og hljóp með nokkrar kríur á eftir mér og skildi krakkann eftir í miðju kríugeiranu. Þegar ég áttaði mig á því þá fékk ég svona panikhræðslukast sem varð að hláturskasti. Horfði svo á barnið sveifla sverðinu sínu að kríunum og reyna að komast óáreittur til móður sinnar. En það var akkúrat ekkert fyndið við þessa sjón. Frekar hallærislegt af ábyrgri móður.

Þegar komið var kvöld fórum við að Hótel Búðum þar sem eiginmaðurinn var búin að panta borð fyrir okkur öll. Þar beið okkar yndislegt kvöld, með góðum mat, góðum félagsskap í fallegu umhverfi. Gestunum mínum fannst þetta dýr máltíð, yfir 1.000 dollara, jafn mikið og erfiðsdrykkja fyrir 200 manns vegna andláts Marv´s eldri í sumar.

Laugardagurinn 4.ágúst.

Byrjaði daginn á að skutla Bryndísi og Söru í Þorlákshöfn. Þær fóru semsagt á Þjóðhátíð, við fjölskyldan vorum reyndar búin að ákveða að fara og rifja upp gamlar minningar af 1997,1998 og 1999. En þegar gestir koma frá Ameríku þá fer maður ekki á Þjóðhátíð.

Ég dreif mig síðan heim og ætlaði að lána Hönnuh Runóinn okkar en hún hafði aldrei keyrt eða lært á beinskiptan bíl. Í MN þá keyra flestir um á sjálfskiptum bílum. En ég ákvað að fara einn hring og kenna henni bara á bílinn. Þetta gekk ekki nógu vel, hefðum þurft aðeins meiri tíma. Hún fékk að keyra á jeppanum (sjálfskiptum) til að prófa rúntinn í Kefcity.

Við fórum í Arnarhól í sumarbústað mömmu og pabba þar sem að öll systkini mín voru stödd með maka og börn. Það kveiktum við varðeld, pabbi var brennukóngur og Ögmundur mætti með gítar. Við dreifðum blöðum til allra á svæðinu og tókum nokkur lög. Einsi frændi var með leiki fyrir börn og fullorðna og úr þessu varð hin besta skemmtun. Marv og Dee voru alveg heilluð og sátu brosandi út af eyrum og nutu hverrar mínútu með fjölskyldunni sem var bara í sínu besta formi þetta kvöld.

Nokkur óborganleg atvik gerðust þarna og ég fékk eitt hláturskastið. Einsi frændi á það til að vera mikið að fíflast með fólk. Í jólaboðinu sl. jól þá braut hann gleraugu og klippti bindi af bróður sínum. Allt í plati en fólk vissi það ekkert og var í sjokki (sumir). Ég var búin að segja gestunum frá þessu og þegar Dee hittir hann þá segir hún. I don´t have a tie haha so you can´t cut it. Þá horfir Einsi á hana og segir no, but I can do something else og glottir, because I am a Magician and I can make your bra disappear. Konu greyið (59.ára, frekar svona fín frú) horfir á hann og segir svo. Really,, how are you gonna do that alveg voða hissa. Einsi: frekar hneykslaður...it is a joke.

Dee varð svo um að hún gekk í burtu, í móann ( sem hún er ekki von að ganga um) varð eins og veltikerling sem heldur ekki jafnvægi og svo hló hún og hló. Alein og vissi ekkert í hvaða átt bústaðurinn okkar var. Þannig vafraði hún um í smástund, skellihlæjandi yfir þessum óborganlega manni sem gjörsamlega kvað hana í kútinn.