2014 ár mikilla tímamóta eins og mörg önnur ár.
Janúar - Ég varð 45 ára og hélt upp á daginn með nánustu fjölskyldu heima í Lágmóanum. Hélt áfram að kenna í FS og að sitja ýmsa fundi sem ég hafði tekið að mér að mæta á og ýmist sem stjórnandi eða þátttakandi. Ég keypti árskort í ræktina en mætingin varð arfaslök svo vægt sé til orða tekið.
Febrúar - Þá varð einkasonurinn 15 ára. Hann stundaði nám í Njarðvíkurskól og æfði fótbolta með Keflavík af miklum móð. Inn á milli æfinga skaust hann til Akureyar til að dvelja hjá föður sínum og mæta á enn fleiri æfingar. Og síðan var hann valinn í úrtakshóp U16 ára landsliðsin. Öllum til mikillar gleði.
Mars - Ferming í fjölskyldunni. Stjúpsonur litlu systur fermdist og fjölskyldan átti góðan dag með fermingarbarninu.
Sigurbergur fór í æfingaferð til Spánar með meistaraflokki KA. Ég hélt áfram að mæta á fundi hjá FFGÍR, FFR, ÍRB og að ógleymdum Bæjarstjórnarfundum.
Ég fékk leigjendur að Lágmóanum og fékk góða aðstoð við að selja, henda og flytja alla búslóðina á nokkrum dögum. 
Ég flutti á æskuheimilið og þar búa nú fjórar kynslóðir í sátt og samlyndi.
Stefnan er að flytja aftur í Lágmóann 2016 eða selja það og minnka við mig.
Tíminn mun leiða í ljós hvað hentugt verður að gera og hvar ég vil vera.
Við komum okkur vel fyrir á Holtsgötunni og enginn var eins ánægður og Ferguson sem fékk mjög mikla athygli.
Maí - Tók áskorun að halda áfram í pólitíkinni. Fór á fullt í kosningaslag sem við því miður töpuðum.
Er varabæjarfulltrúi og aðalmaður í fjölskyldu- og félagsráði Reykjanesbæjar 2014-2018.
Tók áskorun að vera formaður ÍRB og var kjörin til eins árs á ársþingi ÍRB,
Sótti um sumarvinnu og fékk hjá ISAVIA í vopnaeftirlitinu, 61% starf á kvöldvöktum. Var prófstjóri FS í vorprófunum.
Júní - Í júní byrjaði ég í sumarvinnu hjá ISAVIA í flugstöðinni. Fín vinna, kynntist skemmtilegu fólki á öllum aldri. Golfið var stundað af miklum móð.
Júlí - Fjölskylduútilegan stendur upp, fórum að Þórisvatni.Sigurbergur valinn í hópinn til að keppa á Olympíuleikum Unga fólksins. Var dugleg að mæta á golfvöllinn.
Ágúst - Tólf dagar í Kína. Frábær ferð með góðum vinum til að horfa á strákana keppa í knattspyrnu. Sigurbergur byrjaði í 10.bekk og Jökull ömmuprinsinn í 1.bekk í Njarðvíkurskóla.
September - kennsla og fundir. Dæturnar urðu 24 ára. Fjögur ár síðan mamma lést.
Hætti í sumarvinnunni í lok september.
Sigurbergur valinn varnarmaður Keflavíkur í unglingaflokki.
Október - kennsla og fundir. Gott að vera aðeins í 100 % vinnu. Sigga og Hleiðar giftu sig með pomp og prakt. Frábær dagur með þeim, fjölskyldu og vinum.
Sigurbergur skrifar undir leikmannasamning við Keflavík.
Nóvember - kennsla og fundir. Jökull varð 6 ára. Loksins, hann var búin að bíða eftir því mjög lengi.
Desember - Bauð börnum og barnabarni í aðventuverð til Köpen. Keyptum árskort í Tívolí svo við þurfum endilega að skella okkur út 2015. Dásamleg ferð sem gleymist seint.
Ég hélt jólin hátíðleg með börnunum og pabba. Gamla árið var síðan kvatt með pabba, tveimur systkinum mínum og þeirra fjölskyldum,
Ég afgreiddi ágætlega nokkur stór verkefni í desember en það voru m.a. prófstjórnin og hátíð í Íþróttahúsinu í Njarðvík þar sem íþróttamenn voru heiðraðir.
2015 er frekar fyrirsjáanlegt. Ég er með árskort í Bláa Lóninu, félagsmaður í GS og með klippikort í Yoga. Þarf að fara reglulega út að ganga með hundinn því aðalgöngufélagi Ferguson er að fara til Kanarý í nokkrar vikur. Ég ætla að kenna í FS og vera með nokkra vinahópa fyrir nemendur sem þess óska. Ég ætla að vera dugleg að rækta vináttu og styrka þau bönd enn frekar.
Dæturnar stefna á útskrift úr HA og sonurinn útskrifast úr Njarðvíkurskóla.
Framundan eru svo bæjarstjórnarfundir en ég er 1.varamaður Sjálfstæðisflokksins. Ég verð áfram áheyrnarfulltrúi á ÍTR fundum sem formaður ÍRB. Ég verð eitthvað á FRÆ fundum sem formaður FFGíR. Ég er aðalmaður á FFR fundum og í áfrýjunarnefnd. Ég stjórna FFGÍR fundunum og ÍRB fundum sem haldnir eru einu sinni í mánuði.
Fullt af skemmtilegum verkefnum og áskorunum framundan á þessu ári.
Tek fagnandi mót 2015.
