Fyrirlestur Daniels Tammets var í dag

Ég fór á fyrirlestur Daniels Tammets í dag. Fyrirlestrinum seinkaði um 45 mín vegna smá tækniörðugleika með hljóðkerfi salarins. Það var mjög fjölmennt á fyrirlestrinum og þurfti að færa okkur í stærri sal. Ég hef lesið einhversstaðar að þeir sem eru með Asperger þurfa að hafa allt í föstum skorðum og að tímasetningar þurfi að standast. En þessi seinkun hafði greinilega ekki áhrif á fyrirlesarann. Það var mjög gaman að hlusta á hann og heyra hvernig hann hefur náð að brjótast út úr einhverfunni og hvernig hann sér liti í kringum orð og tölur, samskynjun, þetta er svo magnað. Ég ætla að lesa bókina hans Born on a blue day núna í sumar, ásamt öllum siðfræði bókunum sem ég er búin að ná mér í.
Ólafur Stefánsson var með mjög skemmtileg lokaorð sem áttu að vera inngangur en þetta snerist eitthvað við. Hann var akkúrat með það sem að einhverjir kennarar hafa verið að að nota við kennslu sérstaklega þeir nýútskrifuðu. Hugtakakort, með orðum og myndum og táknum. Margir nemendur eru sérstaklega færir að útbúa svona kort. Ég sjálf bæði skrifa og teikna svo illa að ég nýt þess ekki að gera svona kort. Hef allavega ekki gert það hingað til en hver veit. Þetta er svo brilliant hugmynd.

Sumarið er komið : )

Hæ
Vorum að koma úr sumarbústað foreldra minna. Frábærir daga, Sigurbergur og Gunnhildur fóru að veiða og við fórum í stuttar gönguferðir. Potturinn var vel notaður og grillið líka.
Komum eiginlega sólbrennd heim.
Við erum að skipuleggja för 7.flokks á mótið sem verður á Akranesi um helgina. Við förum með 21.strák frá Njarðvík og verður örugglega mikið fjör.

Ætla að taka mig á í bloggheimi : )

Það er komin mars og síðast bloggaði ég í desember, rosa dugleg.

En Marvin og Diana hringdu í gær og eru á leið til Íslands í maí. Ég bjó hjá þeim í eitt ár þegar ég var skiptinemi fyrir 20 árum. Þau hafa komið tvisvar sinnum, í seinna skiptið var það yfir helgi til að vera í brúðkaupinu okkar hjóna. Núna ætla þau að koma með Hönnu elsta barnabarnið sem er 18.ára.

Ég er búin að fara í Stjórnmálaskóla Sjálfstæðisflokksins, þar sem ég er byrjuð að starfa með Njarðvíkingi þá lá það beint við að skella sér í Stjórnmálaskólann og sé ég ekki eftir því. Skólasystkini mín úr skólanum eru svo dugleg. Þau eru strax búin að skipuleggja endurfundi sem verða í næstu viku.

Ég er farin að selja Friendtex föt, ég og heimakynningar. Ég kem sjálfri mér sífellt á óvart. Sá auglýsingu í mogganum að það vantaði sölumann á Suðurnesin og ég sótti bara um og fékk : )
Þetta er búið að vers svo ferlega gaman, hitta skemmtilegar konur og selja þeim falleg föt.

Svo er það bara háskólinn í haust, ætla að taka mér frí frá kennslunni og hlakka mikið til að víkka sjóndeildahringinn. Var að lesa um starfstengda siðfræði, leist bara vel á það, en hver veit.

Stelpurnar mínar eru núna báðar í FS, gamla skólanum okkar Bjarna. Bryndís lauk einni önn í Kvennaskólanum, ætli hún hafi ekki bara saknað Brynju sinnar.

Sigurbergur er að æfa bæði körfubolta og fótbolta, hann er nýorðin átta ára og fékk svakalega afmælisveislu á sunnudaginn. Það voru 39 gestir í afmælinu, þetta var eins og fermingaveisla.

Aðventan gengin í garð

Ég nýt aðdraganda jólanna betur en jólanna sjálfra. Í gær bökuðum við mamma smákökur og lagtertur. Ég skrifaði síðan öll jólakortin sem eru komin yfir 100 talsins og alltaf bætist við frekar en hitt. Við erum búin að fara í tvö jólahlaðborð og eitt afmælisboð í desember. Aðventutónleikar á sunnudaginn og miðvikudaginn. Sigurbergur er mjög ánægður með jólasveinana og fer spenntur að sofa öll kvöld.
Stelpurnar komnar í jólafrí frá skólanum og eru ekkert að hugsa um að fá sér vinnu. Finnst voða gott að gera ekki neitt. Annars eru þær mjög uppteknar með vinum sínum og njóta þess að vera til.
kv, Inga